Nagomilavanje stvari više šteti izgledu vašeg stana ili ormara, ali nekih stvari trebalo bi da se riješite i to bez razmišljanja jer mogu biti opasne za vaše zdravlje
1. Stara kozmetika

Kada govorimo o kozmetici, pravilo je vrlo jednostavno - ako je stara, suva ili ne planirate da je upotrijebite, bacite je bez razmišljanja.

I dok se u vlažnoj dekorativnoj kozmetici poput pudera, maskare i tuša za oči vremenom počinju razvijati bakterije, sjenke i rumenila nakon isteka roka više nijesu postojani na koži i nemaju isti učinak.

Što se preparativne kozmetike tiče, ako je kremi ili maski za lice istekao rok trajanja ili su pak promijenile boju ili strukturu, nikako ih ne stavljajte na kožu jer mogu izazvati jake alergijske reakcije. Isto važi i za kreme za sunčanje koje ne bi trebalo da koristite dvije sezone zaredom.

2. Stare četke i sunđeri za tuširanje

Prema posljednjem istraživanju, stvari koje koristite kako bi oprali tijelo mogu biti najprljaviji predmeti u vašoj kući. To se naravno odnosi na krpice, sunđere ili četke za tuširanje koje iznova koristite predugo. Naime, bakterije se najbrže razvijaju na vlažnim mjestima, a dlačice ili vlakna sunđera za tuširanje kao stvorene su za razmnožavanje bakterija.
3. Lijekovi

Iako im je primarna funkcija da čuvaju naše zdravlje ili nas pak izliječe od raznih bolesti, stari lijekovi iz naše kućne apoteke mogu postati opasni.

Naime, prosječan rok trajanja lijekova je oko godinu dana. Sve iznad toga umanjuje njihov učinak ili pak, u nekim slučajevima može postati i opasan za zdravlje. Isto važi i za ljekove koji nijesu u svom originalnom pakovanju. 
(CDM/Alen Avdić)