Poruku u boci vratili vlasnici nakon dvije decenije
Poruka u flaši vratila se svom autoru 21 godinu nakon što ju je pustila u lučkom gradu Piktonu na Novom Zelandu, objavila je u danas stranica “Stuff”.
Osmogodišnja Cortney Stevenson poruku je morskim putem poslala u martu 1995. godine.
Dvije decenije kasnije, pronašao je lokalni stanovnik Richard Gomes dok je šetao plažom na udaljenim ostrvima Četam, istočno od Novog Zelanda.
Flaša je do tamo preplovila 800 kilometara.
"Iznenadio sam koliko je stara. Ko zna, možda je bila do Antarktika i nazad", rekao je Gomes za “Stuff”.
Gomes je sa svojom porodicom pokušao da kontaktira Stevensonu preko broja koji je zapisala prije toliko godina, ali nakon što su shvatili da ta linija više ne postoji, okrenuli su se društvenim mrežama, gdje su je pronašli nakon 12 sati, usprkos tome što je more ispralo njeno prezime na pismu.
Stevenson je na Facebooku objavila kako ne može da vjeruje da je njena poruka pronađena.
"Divan čovjek, na ostrvima Četam naišao je na poruku u flaši koju sam poslala s male plaže Šeli u Piktonu kad sam imala osam godina!", napisala je Stevenson.
"Najslađa stvar ikada. Oduševljena sam što su me pronašli", dodala je.
(CDM/Alen Avdić)